عايز اعرف ازاي اربط اكتر من جهاز علي شبكه واحده مع بعض

**prof.castello** · 10-09-2015, 21:24

السلام عليكم و رحمه الله و بركاته

اانا عندي 3 اجهزه كمبيوتر في المنزل و محتاج اربطهم ببعضهم عن طريق الشبكه لانهم كلهم شغالين علي نفس الراوتر

انا الصراحه كنت بعمل الكلام ده زمان في ويندوز XP بعمل شير للملفات بين الاجهزه و بقدر ادخل من جهاز علي ملفات جهاز اخر

لكن في ويندوز 7 مش عارف اعمل ايه اتفرجت علي فيديوهات كتيرو شفت طرق كتير و طبقتها لكن بدون جدوي مش بلاقي اي حاجه تم تشيرها مع الاجهزه الاخري و تعبت من حكايه كل شويه اقوم جايب الفلاشه انسخ الملفات من جهاز لاخر و هي الاجهزه جنب بعضيها !!

مستني اقتراحات او حلول حد ليه خبره في المجال يقولي طريقه تشير الملفات في ويندوز 7 عشان اقدر ادخل علي ملفات من جهازي علي جهاز اخر بواسطه الشبكه و شكرا مقدما

**ahmadrashad** · 10-09-2015, 21:57

و عليكم السلام ورحمه الله وبركاته

هو في ويندوز 7 اول ما بيكتشف شبكه منزليه اول جهاز بيتعرف عليه الشبكه بيكون هو الجهاز الاساسي بيكتبلك باسورد للشبكه لو حبيت تربط ما بين الاجهزة لازم تكتب باص ورد الشبكه الاصلي دة نقطه النقطه التانيه ان لازم يكون لكل جهاز باس ورد ولو رقم واحد عشان يكون عندك احقيه تدخل علي الجهاز بكتابه الباسورد دة من غيرة هيرفض الدخول علي الجهاز حتي لو انت مش عامل باسورد اصلا علي الاجهزة وبتقدر كمان تدخل هلي شاشه كل جهاز من الجهاز التاني لو عايز تنشط خاصيه الريموت ديسك توب عن طريق الباس ورد برضو الموضوع بيحتاج تاسيس من البدايه ويمكن هو دة الي مصعب العمليه عليك شويه شوف كدة وانا متابعك لو حاجه وقفت معاك

**prof.castello** · 11-09-2015, 05:32

متشكر جدا لرد حضرتك يا باشا

انا الصراحه دلوقت محتاج خطوات امشي عليها عشان اعمل الحكايه دي بين الاجهزه عندي في المنززل

لاني بتعب جدا بسبب حوار النقل بفلاشات ده بين الاحهزة

**MaHmOuD ZeRo** · 11-09-2015, 13:51

الموضوع سهل جدآ اخى
اول حاجة هتخش على المسار التالى
Control Panel\Network and Internet\Network and Sharing Center\Advanced sharing settings

او خد المسار Copy وافتح My Computer وحطه Paste
هينقلك للصفحه التاليه
اتبع الصورة

هتخش على Network
لو لقيتها كما بالصورة

دوس كلك يمين واختار
turn on network discovery and file sharing

بعد كدا هتيجى على الفولدر اللى عاوز تشاركة عبر الشبكة
انا حاولت كتير انى اعمل Sharing لبرتشن كامل منفعش
احنا هنعمل Sharing لفولدر
وتقدر تعدل فى الفولدر من اى جهاز بمعنى تضيف فيه او تمسح منه
اتبع الصور
(1)

(2)

(3)

(4)

(5)

(6)

وبكدا تكون عملت Sharing
وتقدر تخش عليه من اى جهاز فى الشبكة تضيف فيه او تسمح منه
ولو فى اى حاجة فى الشرح انا موجود

**prof.castello** · 11-09-2015, 20:35

شكرا بجدددددد يا استاذ محمود و الله مش عارف اشكرك ازاي

ربنا يجازيك كل خير يا رب عن المساعده و حل مشكلتي ديه يا باشا

**MaHmOuD ZeRo** · 11-09-2015, 21:55

المشاركة الأصلية كتبت بواسطة prof.castello

شكرا بجدددددد يا استاذ محمود و الله مش عارف اشكرك ازاي

ربنا يجازيك كل خير يا رب عن المساعده و حل مشكلتي ديه يا باشا

العفووو فى الخدمه

**prof.castello** · 12-09-2015, 05:30

علي فكره يا استاذ محمود انا عرفت طريقه تشيير البرتيشن كامل

هي هي نفس الطريقه بتاعت تشير اي فولد بس بيتم الدخول علي الامر Advanced Sharing في ال Properties بتاعت البارتيشن و بتحط علامه الصح قصاد الامر Share this folder و بيتم تشيره علي الشبكه انا جربت الحكايه ديه و لاقيت البرتيشن علي الشبكه و دخلت عليه من الكمبيوتر التاني بنجاح

و تاني مره بشكرك يا باشا علي الافاده

**MaHmOuD ZeRo** · 12-09-2015, 21:53

المشاركة الأصلية كتبت بواسطة prof.castello

علي فكره يا استاذ محمود انا عرفت طريقه تشيير البرتيشن كامل

هي هي نفس الطريقه بتاعت تشير اي فولد بس بيتم الدخول علي الامر Advanced Sharing في ال Properties بتاعت البارتيشن و بتحط علامه الصح قصاد الامر Share this folder و بيتم تشيره علي الشبكه انا جربت الحكايه ديه و لاقيت البرتيشن علي الشبكه و دخلت عليه من الكمبيوتر التاني بنجاح

و تاني مره بشكرك يا باشا علي الافاده

ما انا بعمل كدا
ولما اجى اخش من جهاز اخر على جهازى بيظهر الرساله الاتيه

**prof.castello** · 13-09-2015, 19:07

الصراحه انا كانت شغاله معاياه زي الفل و بخش عليها لكن النسخه اللي كنت بدخل منها كانت 8.1
دلوقت انا نزلت 7 و بتظهر معاياه المشكله ديه بس انا بحاول فيها لحد ماتشتغل

**MaHmOuD ZeRo** · 13-09-2015, 20:17

المشاركة الأصلية كتبت بواسطة prof.castello

الصراحه انا كانت شغاله معاياه زي الفل و بخش عليها لكن النسخه اللي كنت بدخل منها كانت 8.1
دلوقت انا نزلت 7 و بتظهر معاياه المشكله ديه بس انا بحاول فيها لحد ماتشتغل

:ah42:

**prof.castello** · 13-09-2015, 21:59

انا حليت المشكله يا باشا باني عملت فولدر رئيسي في البرتيشن و سميته D و رحت حاطط فيه كل ملفات البرتيشن و شيرتوا علي الشبكه و كده حلينا المشكله و شيرنا كل حاجه جوا البرتيشن و نريح دماغنا من رساله الخطأ ديه :D

**MaHmOuD ZeRo** · 14-09-2015, 01:26

المشاركة الأصلية كتبت بواسطة prof.castello

انا حليت المشكله يا باشا باني عملت فولدر رئيسي في البرتيشن و سميته D و رحت حاطط فيه كل ملفات البرتيشن و شيرتوا علي الشبكه و كده حلينا المشكله و شيرنا كل حاجه جوا البرتيشن و نريح دماغنا من رساله الخطأ ديه :D

فكرت فيه قبل كدا
بس المشكلة ليه ويندوز 7 مش عارف يخش على البرتشن المتشير ؟؟؟
اشمعنا ويندوز8.1 قدر يفتح البرتشن بدون مشاكل وويندوز 7 لا
على ما اظن المشكلة فى حماية ويندوز 7

**prof.castello** · 14-09-2015, 18:44

انا عندي عرفت ادخل بويندوز 7 علي ويندوز 7 قعدت اعمل كام محاوله في الاعدادات بقيت اغير فيها بشكل عشوائي لحد ماضبطت معاياه مفيش نص ساعه و لاقيت المشكله من جديد فرحت حليت المشكله بفولدر اللي حطيت فيه كل محتويات البرتيشن و اتشير : D
بس اعتقدد الحكايه محتاجه تضبيط و احنا مش عارفين ايه هوو بالضبط