غالبا صادق عند وضع المعلومات وتوضيحات الخصائص زيه زى CPUWORLD + Game depate
اما مراجعاته عن الاداء فهى مراجعات رجعيه متاخره تعتمد اغلبها على مجموع الخصائص ونتائج مراجعات Real-World-APPs
وهى ليست صادقه او يمكن الاعتماد عليها بالبرامج الحياتيه
3DMARK & PCMARK8 & SYSBENCH & PASSMARK & CINEBENCH & ٍSANDRA . ;etc
واكثر منها بكثير ولكن هذه برامج مراجعات Real-World ولا يمكن النظر او الاعتماد عليها لاسباب كثيره
اولها واهمها جهلها بتقدم المعماريات والطرق الحديثه المبتكره فى معالجه البرمجيات ( ولا يمكن لها ان تعلمها )
وعدم علمها بطرق التوافق والاختلافات مع انظمه العمل المختلفه للويندوز ونظام عمل المعماريات معها
لذلك يمكن بسهوله ان تخدعك ان اعتمدت عليها ومعروف لاغلب المستخدمين الحماسيين انها مواقع دعائيه ومتاخره ولا يمكن النظر فيها او بنتائجها
الشكر لله - بسيطه يا استاذ محمد ...
افضل المواقع التى يمكن الاعتماد عليها هى المواقع التى تمتلك معامل متخصصه فى مراجعه وتحليل قطع الهاردوير
المواقع اللى فيها عدد كبير من الخبراء والمهندسين والحاصلين على شهادات خبره وتخصصات هندسيه فى نفس المجال
بتعرف ده ازاى ؟
هتلاقى اسفل او اعلى كل مقال اسم المحرر ووظيفته او تخصصه الدراسى او الشهادات الحاصل عليها او هواياته المفضله
لان مجموعه المواقع دى تحديدا فى امريكا - استراليا - المانيا - بعض دول الشرق اسيويه بيوصلها samples الهاردوير لحد معاملها
يعنى انتل او انفيديا فى معاد انطلاق المعالج بتبدا المواقع دى تراسلهم على المعاد وبترد عليهم مواقع الهاردوير بميعاد شحن المعالجات ليهم
قيس نفس العمليه على الباورات والهاردات والرامات وكروت الشاشه والبوردات
موقع زى Anandtech موقع عالمى ممكن تلاقى عليه مراجعه انتريهات ودواليب عادى موقع TPU ممكن تلاقى عليه مراجعه اقلام هندسيه عادى
دى المواقع صاحبه شهره وصيت واسع المدى بسبب صدقهم ونسبه المصداقيه اللى قدروا يحققوها لدى المستهلكين
لذلك شركات الهاردوير نفسها بتتسارع فى ارسال ال samples اى كان نوعه بمجرد موعد الانطلاق ياتى ويبداوا ينتظروا مراجعاتهم شركات الهاردوير نفسها بتقرا مراجعاتهم عشان لو فى اى تعارض او تشويش او اختلافات بيحصل تواصل بينهم مره واتنين وتلاته
لو لقيت موقع عرب هاردوير بيعمل مراجعه على لوحه او كارت شاشه او لاب فده مبعوتله من وكيل المنتج تحديدا فى مصر لعمل مراجعه عليه وتوضيحه للمستهلك
من الاخر الموضوع مش سهل زى ما موقع CPUBOSS عاملهولنا او موقع game debate بيضحك على عقول الناس بيه
وحاطط معالجين قصاد بعض وكاتب قصاد كل واحد محقق كام نقطه ومع ذلك اسعار لا يمكن قبولها
تلاقيه حاطط معالج I5 لاب توب بجانب معالج I5 ديسك توب وجايب احيانا ان الاتنين بيحققوا نفس النتائج
بالرغم ان احدهم ثنائى والاخر رباعى وختلفين اختلاف جزئى وموضوعى فى نظام العمل ليهم
اعتمد على المواقع السابق ذكرها فى مراجعه الهاردوير اللى انت عاوزه
او هات المعالجين اللى انت عاوز تقارنهم ببعض وانا ابحث ليك على مراجعاتهم
التعديل الأخير تم بواسطة phenomenon ; 28-12-2015 الساعة 23:07
كافى ان شاء الله - لان متطلبات اللعبه منه هتكون قليله عن متطلباتها على الديسك توب
انت على الجهاز المكتبى عاوز تلعب الترا او هاى عشان تلاقى جوده صوره نقيه مع 1080
لكن على اللاب حتى لو هتلعب على ميديم هتستمتع خصوصا لو الابعاد اقل 768 كمثال وطبعا فى العاب هتشتغل هاى
اهتم بكارت الشاشه اكتر والرامات
واعدادات نمط الصور والتيكسترات حتى لو هتقلل باقى الخصائص اللى هيفرق فى الصوره هى التيكتسرات ( ضحى باى خصائص عشان متقلش فيها عن ميديم )
الخصائص بتاعته هتشغلك العاب كويس بس الافضل لو عملت موضوع فى قسم اللابات لانهم متابعين اكتر ويمكن تلاقى ملاحظات عندهم
من رايى اتاخر شويه كمان فى الشراء لحد ما لابات الجيل السادس تنتشر - هتكون موفره اكتر فى الطاقه عن الجيل الخامس وعدد ساعات شغلها اكتر
شوف يا استاذ ابراهيم انا كنت سألت حضرتك قبل كدة على تجميعة لاشاهد الافلام بجودة عالية وتفضلت حضرتك مشكورا وقلتلى على تجميعة AMD كويسة ونزلت فعلا لمول البستان وكنت هاشتريها بس بصراحة ما اخبيش عليك انا مش ميال لل AMD يعنى من يوم ما اتعاملت مع الكومبيوتر و انا شغال مع intel يعنى مش هابقى مستريح نفسيا لو غيرت وبينى وبينك شوفت الماذربورد دى و عجبتنى جدا و البياع حكالى عنها حكايات و فعلا على موقع جيجابايت لاقيت امكانياتها جبارة خصوصا فى مجال الصوت فاقولت اجيب حاجة كويسة خصوصا انى مش ناوى اغير او احدث الا بعد فترة جامدة 5 او 7 سنين مثلا
نفس الموديل اللى معايا - مش كانت من اختيارى وشكلها مش مثالى وسوكيتاتها قريبه جدا من بعضها على الطبيعه
لكن عجبتنى جدا امكانياتها فى كسر السرعه ودرجات الحراره بتاعتها افضل من الممتاز
عموما انا تذكرت انى كونت رشحتلك APU عشان خاطر اوفرلك ميزانيه الكارت الخارجى بس لكن طالما طموحاتك اكبر مش هقولك لا طبعا
الكارت ممتاز حتى لتشغيل العاب 2016 الهارد كور وعلى اعدادات ممتازه
اما اختيار المعالج المركزى فهات اللى يعجبك بردو
لو ناوى على العاب تقيله يبقى Core I5-4440 كفايه لكن لو افلام فقط وشغل روتينى فكفايه جدا Core I3-4160
وتذكر انك تهتم بالمظهر كامل وبالامان ايضا ( كيس كويس وباور نضيف )
هما تقريبا فى فتره امتحانات لكن لما بيدخلوا بيردوا على جميع المواضيع المتاخره
اللاب اكيد يشغل لعبه GTX V بسهوله واعدادات جيده جدا
نقطه الكلام عن الاعدادات دى بصراحه محيره جدا وانت بنفسك هتشوف لكن هتلعبها وتستمتع بيها باداء جيد على الامكانيات المذكوره
بصراحه مش عارف لابات الجيل الجديد هتنزل امتى بس يمكن لسالها شويه
والشكر لله يا استاذ محمد بسيطه
رد مع اقتباس
موقع TPU ممكن تلاقى عليه مراجعه اقلام هندسيه عادى
المفضلات